The PurveyProject

De apostolis Symonis et Iude
Homilies for Saints

Par Alina MIHOC
Publication en ligne le 05 octobre 2013

1Frendys, theise ii apostles, Symon and Iude, be the reuelacioun of the Holy Goste thei went into a londe that was cleped Percidis, and thereinne thei founde ii sorcers, and here names were Yaroes and Arphaxat, that flowen from the face of seynt Mathei the apostle. And so with here sossery thei made men to beleue in hem. And so at the laste, seynt Symon and seynt Iude duelled in the cite of Babilon and there thei dede

2/f. 78v/ many myracles thurgh the helpe of almyty God : first to the blynde [thei]1 yaf sight and to the dome spekinge, and turnynge many with here prechinge to cristen feyth. And thenne moreouere we fynde that there was in the cite a ryche mannes dowter. And so she had late a man common with her and made here with childe. And thei asked who had getyn that childe that she went with, and she seyde ayen: ‘Seyche a man’,and acused a dekyn thereoffe – his name was Eufrosinus – that was an holy man and a chaste man. And whan this womman had acused him thus to here fader, he wax anon wroth with this dekyn andaspyed him longe for to haue slayn him. And at the laste, [he]2 mette him and wolde haue don h[i]m3 to deth. And as Goddes wille was, seynt Symon and seynt Iude come be the same weye and sen what thei were abowte. And there thei preyed hem to stynten and put the dekyn into sekyre warde tyl the childe were born. ‘For thanne’, seyde thei, ‘we shal wete the sothe for he be gilty or he be not gilty’. And so there thei abadyn and put it in respyte til the childe was born, the oure of pryme, and seyde: ‘Brynge

3/f. 79r/ forthe the dekyn and the childe’. And the apostelys seyde theise wordes to the childe that was born that day : Iu nomine patrisloquere puer et dic si iste draconus tegenerauit. And this is seyn : ‘ƿu childe, speke in the name of oure Lord Ihesu Cryste : now sey ƿu if this dekyn gate out the’. And the childe spake ayen and seyde theise wordes: Hic uir sanctus e castus et numquid inquinauit carnem suam. ‘This man’, seyde the childe, ‘is an holy man and a chast man and neuere dede foyle his body ne his flessh’. And tho the fader wolde haue wiste of him who it had ben.Thanne the apostles seyde ayen: ‘Hit befalleth not to us for to acuse no man’. And thus this dekyn was saued thurgh the helpe of theise ii apostles Symon and Iude. And after thei went him to a prouynce and so thei come into a cite that was cleped Suamarand thereinnewas a temple that mawmeteswere inne. And to the temple thei were comyn and whanne thei were comyn therein, the deuels, here mawmentes, toke up a cry and made gret lamentacioun and

4/f. 79v/ seyde how thei dede brenne sethe Goddes apostelys ˋwerˊ come there inne. And tho thei comaunde hem to come out of here symilacres. And then come thei forthe ii fowle deuels and broke here symilacres and wentyn awey with ˊherˋ sorowe. And then whan here fals goddess were thus counicte and destroyed, the beshope of the ydolatryce and al maner of men that were in the temple were foule agreued with theise ii apostles that had so ouercomyn here goddes and dreven hem awey from hem. And al that hous toke hem togedyre and fel upon hem and slewe hem right there. And anon Cristes angels comyn thedyre and brout up here sowles to heuene there to restyn eueremore in blisse withoutyn ende. Amen

Notes

Pour citer ce document