- Accueil
- > Editions de textes
- > Vies de Saints
- > De sancto Mathio apostolo
De sancto Mathio apostolo
Homilies for Saints
Par Alina MIHOC
Publication en ligne le 05 octobre 2013
Texte intégral
1/f. 45v/ Frendys, ye shal haue a solempne feste in
2/f. 46r/ Holy Chirche of an holy apostle, seynt Mathi, the whiche was chosyn as that day to ben in the stede of Iudas that betrayed Cryste and sethe now whi he was chosyn. We redyn that seynt Peter stode up amonge the apostles, his bredyre, and seyde to hem : ‘ƿe bredyre, hit behowueth us to fulfille the Scripture, the whiche the Holy Goste hath seyde to us, the worde of Dauid the profete of the man Iudas, the whiche was a duke and a leder of hem that toke oure Lord Ihesu. And therefore’, he seyde, ‘we must fulfille that Scripture and make lot here betwene us of theise ii men, the whiche hath ben with us vnto the tyme that ouere Lord dede ascende up from us til this day. And tho alle dede graunte there to for to fulfille that Holy Scripture’. And there thei dede theise ii men to come afore hem, of the whiche ii men the ton dede hite Ioseph and the toder Mathi. And whanne thei were come before hem, alle the xi apostles fel doun on here kneis and helde up her hondes to God and seyde theise wordes: Tu Domine qui cordanosci omnium ostende nobis quem eligeris ex niis duobus. And this is to seyn: ‘ƿu Lord’, seyde thei, ‘the whiche knowist the hertys of al men, shewe now to us him that hast
3/f. 46v/ chosyn of theise ii men thurgh lot, whiche of he shulde be in Iudas stede’. And lot fel upon Mathi. And so as this day he was chosyn to be Cristes apostle and be in the nomber of the xi apostles. And therefore I counsel yow alle to comen and preyen to God with good hert, that as he chas seynt Mathi to ben his apostle, right so as he wolde vouchesaf to chese us to be in the nombre of the holy seyntes, and with him to restyn in euerelastynge blisse. Amen.